मेवालाल यादव
काठमाडौँ,
नेपाली संगीत क्षेत्रमा एक नयाँ र भावनात्मक गीत “माया प्रीती” चाँडै नै सार्वजनिक हुँदैछ। गायक बिरु घलान र सुमिना लोको सुमधुर स्वरले सजिएको यस गीतले केटा र केटीबीचको अथाह प्रेम र समर्पणको कथा दर्शाएको हो।
गीतको शब्द सिर्जना चर्चित लेखक समतेन मोक्तानले गरेका छन्, जसले नेपाली गीतसंगीतमा गहिरो प्रभाव पार्दै आएका छन्। यस म्युजिक भिडियोको निर्माण पनि Samten Moktan युट्युब च्यानलमार्फत सार्वजनिक गरिनेछ।
गीतमा देखाइएको प्रेमकथा दर्शकको मन छुने खालको छ, जसमा अभिनय गरेका छन् कोरियोग्राफर तथा मोडल आशिष लामा र सञ्जना गुरुङ । उनीहरूले प्रेम, भाव, र संवेदनालाई जीवन्त रूपमा प्रस्तुत गर्ने प्रयास गरेका छन्।
“माया प्रीती” ले दर्शकलाई केवल संगीतको स्वाद मात्र होइन, गहिरो भावनात्मक अनुभूति पनि दिने लक्ष्य राखेको छ।
दर्शकले चाँडै नै यस गीतको भिडियो हेर्ने मौका पाउनेछन्, जसले नेपाली प्रेमगीतको संसारमा नयाँ स्वाद थप्ने विश्वास गरिएको छ।
