अरमान कुमार उपाध्याय कार्तिक १० गते
रौतहट । लोकआस्थाको महान पर्व छठको अवसरमा नेकपा (एस) का प्रदेश मन्त्री कनिश पटेल तथा यही नगरपालिका को नगर प्रमुख प्रदिप कुमार यादवले रौतहट जिल्लाको बौधिमाई नगरपालिका र परोहा नगरपालिकाका विभिन्न छठघाटहरूको अनुगमन गर्दै छठमाताको पूजा-अर्चना गरेका छन्। उनले भक्तजनहरू बीच पुगेर शुभकामना आदानप्रदान गर्दै छठ पर्वले ल्याउने एकता, आस्था र सामाजिक सद्भावको सन्देशबारे उल्लेखनीय विचार व्यक्त गरे।
अनुगमनका क्रममा स्थानीय नेता, पार्टीका कार्यकर्ता, जनप्रतिनिधि, सुरक्षाकर्मी र स्थानीय वासिन्दाहरूको ठूलो उपस्थिति रहेको थियो। नेता पटेल र यादवले प्रत्येक घाटमा भक्तजनहरूको भीड, धार्मिक वातावरण र सुरक्षाको अवस्था अवलोकन गर्दै नगरपालिका र स्थानीय समुदायद्वारा गरिएको तयारीको सराहना गरे। उनले छठ पर्व केवल धार्मिक विधि नभई, स्वच्छता, अनुशासन र सामुदायिक एकताको उत्कृष्ट उदाहरण भएको बताए।
प्रदेश मन्त्री र मेयर ले भने, “छठ पर्व हाम्रो संस्कृति, सहिष्णुता र आस्थाको साझा प्रतीक हो। यसले नेपाली समाजमा एकता र आपसी माया बढाउँछ। नगरपालिकाहरूले यस पर्वको गरिमा जोगाउँदै स्वच्छता, सरसफाइ र भक्तजनहरूको सुरक्षामा निरन्तर ध्यान दिनुपर्छ।
उनले जनप्रतिनिधि र प्रशासनलाई छठघाटको स्थायी सुधारका काममा निरन्तरता दिन सुझाव दिए। साथै, स्थानीय युवाहरूले घाटको व्यवस्थापन, सरसफाइ र सजावटमा देखाएको उत्साहप्रति उनले प्रशंसा जनाए।
मन्त्री र मेयर ले छठमातासँग देशमा शान्ति, समृद्धि र एकताको कामना गर्दै देशभरका श्रद्धालु भक्तजनहरूलाई शुभकामना दिएका छन्। उनले भनें छठ माताको कृपाले हामी सबैमा उन्नति, स्वास्थ्य र सद्भाव फैलोस्।
कार्यक्रमका क्रममा स्थानीय कार्यकर्ताहरूले प्रदेश मन्त्री र मेयर लाई फूलमाला र टीका लगाएर स्वागत गरे। छठघाटमा महिलाहरूले व्रत बस्दै अस्ताउँदो सूर्यलाई अर्घ्य दिँदै धर्म–आस्थामा लीन देखिन्थे। वातावरणमा भक्तिपूर्ण गीत, स्वच्छता र अनुशासनले विशेष रौनक थपेको थियो।
भक्तजनहरूले भने, “मन्त्री पटेलको उपस्थितिले हामीलाई हौसला र सम्मान मिलेको छ। उहाँको सादगी र जनताप्रतिको माया साँच्चिकै प्रशंसनीय छ।
यस अवसरमा विभिन्न पार्टीको नेताकार्यकर्ता ,वडा अध्यक्ष मुक्ति नारायण मिश्रा, बिन्देशवर यादव ,जियालाल यादव,सिताराम बैठा,रमेष प्रसाद जयस्वाल,प्रमिला जयस्वाल स्थानीय नेता तथा विभिन्न वडा कमिटीका प्रतिनिधिहरू पनि सहभागी थिए। कार्यक्रमको अन्त्यमा मन्त्री पटेल र मेयर यादव ले आगामी दिनमा जनताको बीचमा रहेर सेवा, विकास र सद्भावको अभियानलाई अझ सशक्त बनाउने प्रतिबद्धता व्यक्त गरे।जय छठि मईया,सम्पुर्नमा प्रणाम
